نئی دہلی:05 /مارچ(ایس اونیوز /آئی این ایس انڈیا) آئندہ لوک سبھا انتخابات کے پیش نظر کانگریس نے راجستھان کے لئے انتخابی کمیٹیوں کا اعلان کر دیا ہے۔پارٹی کی جانب سے جاری فہرست کے مطابق ریاستی انچارج اویناش پانڈے کو آرڈینیشن کمیٹی کا چیئرمین بنایا گیا ہے تو وہیں ڈاکٹر رگھو شرما کو مہم کمیٹی کا صدر بنایا گیا ہے۔اس کے علاوہ جے پور کے سابق ایم پی مہیش جوشی کو بازی کمیٹی کا صدر بنایا گیا ہے۔کانگریس کی تنظیم کے سیکرٹری جنرل کے سی وینو گوپال کی جانب سے جاری بیان کے مطابق کانگریس صدر راہل گاندھی نے راجستھان کے لئے رابطہ کمیٹی،ریاستی الیکشن کمیٹی، تشہیر اوراشتہار کمیٹی، میڈیا کمیٹی اور الیکشن مینجمنٹ ٹیم کی تشکیل کی تجویز کو منظوری دے دی ہے۔کانگریس پارٹی کی طرف سے جاری اس فہرست کے مطابق پارٹی جنرل سکریٹری اور ریاستی انچارج اویناش پانڈے کو رابطہ کمیٹی کا صدر بنایا گیا ہے، اس کمیٹی پانڈے کے علاوہ وزیر اعلی اشوک گہلوت، نائب وزیر اعلی سچن پائلٹ سمیت ہریش چودھری، گرجا ویاس، بی ڈی کلا جیسے ریاست کے بڑے لیڈر شامل ہیں۔اسی طرح مہم کمیٹی کا صدر ڈاکٹر رگھو شرما کو بنایا گیا ہے، جبکہ مہندر سنگھ مالویہ کو شریک چیئرمین بنایا گیا ہے۔اس کے ساتھ ہی صالح محمد اور ممتا بھوپیش کو کنوینر بنایا گیا ہے تو وہیں سابق ممبر پارلیمنٹ مہیش جوشی کو بازی کمیٹی کا چیئرمین بنایا گیا ہے، جبکہ گووند سنگھ ڈوٹاسرا کو میڈیا کمیٹی کے سربراہ اور بی ڈی کلا کو خزانہ اور انتظامی کمیٹی کے سربراہ کے عہدے کا ذمہ دیا گیا ہے۔
غور طلب ہے کہ راجستھان کانگریس کے لیڈر اور پارٹی کی مرکزی قیادت کے درمیان گزشتہ ماہ تین دن تک میراتھن میٹنگ چلی تھی،جس میں پارٹی اعلی کمان کو ریاستی سطح پر مقامی کارکنوں، ممبران اسمبلی، انچارج وزراء، ضلع چیئرمین کے ساتھ عام انتخابات کو لے کر ہوئی آراء میٹنگ کے بارے میں آگاہ کیا،ابھی اسکریننگ کمیٹی کی میٹنگ میں امیدواروں کے نام پر تفصیل سے بحث کی جائے گی۔راجستھان کے نائب وزیر اعلی سچن پائلٹ نے منگل کو بتایا کہ پارٹی ریاست کی تمام 25 سیٹوں پر انتخاب لڑے گی،امیدواروں کے انتخاب کا عمل آخری دور میں ہے اور 8 مارچ کو ہونے والی اسکریننگ کمیٹی کی میٹنگ میں حالات اور بھی واضح ہو جائیں گے۔پائلٹ نے بتایا کہ امیدواروں کاانتخاب کارکنوں کے آراء اور جیتنے کی صلاحیت پر انحصار کرے گا۔